Улаанбаатар хотын Ногоон орон сууц төслийн хүрээнд Баянхошуу дэд төвд барьж ашиглалтад оруулсан Ногоон орон сууц эко хорооллын эхний ээлжийн 110 айлын орон сууцыг 2026 оны 1 дүгээр сарын 26-ны өдөр ашиглагч байгууллагуудад албан ёсоор хүлээлгэн өглөө.
Тодруулбал уг орон сууцыг Нийслэлийн орон сууцны корпораци (НОСК), Орон сууц нийтийн аж ахуйн удирдах газрын Баруун түгээх төв болон Хэрэглэгчдэд үйлчлэх төв (ХҮТ) зэрэг мэргэжлийн чиг үүргийн байгууллагуудад хүлээлгэн өглөө.
Эхний ээлжийн 110 айлын Ногоон орон сууцыг хүлээлгэн өгөхажилд “Төсөл хэрэгжүүлэх нэгж”, барилга угсрталтын гүйцэтгэгч “Цамхаг констракшн” ХХК болон “Содонномин констракшн” ХХК-ны түншлэл, “Сити Ландмарк” ХХК болон “Хаппи бюльдингс” ХХК-ны түншлэл, Гадна инженерийн шугам, сүлжээний ажлын гүйцэтгэгч “Сан” ХХК, НОСК, ОСНААУГ-ын Баруун түгээх төв, Хэрэглэгчдэд үйлчлэх төв (ХҮТ) -ийн холбогдох албан тушаалтнууд болон инженер, техникийн ажилтнууд оролцож барилга байгууламжийг албан ёсоор хүлээн авлаа.
Нийслэлийн Засаг даргын А/1619 тоот захирамжаар Баянхошуу болон Шархад дэд төвд баригдах эхний ээлжийн 800 айлын Ногоон орон сууцыг холбогдох хууль, журмын дагуу ашиглагч байгууллагаар “Нийслэлийн Оронсууцны корпораци” ХК нь албан ёсоор хүлээн авсан юм.
