Тус уулзалтад төсөл хэрэгжүүлэх нэгж, зөвлөх баг, барилга угсралтын гүйцэтгэгч “Хөх бүрдний эх” ХХК, “Таван орд” ХХК, “Нано Экологи” ХХК, “Тамга Уул” ХХК, “Батс Өргөө” ХХК, НОСК ХК, зураг төслийн зохиогч “Классик хаус” ХХК, “Скайлайн дизайн” ХХК, “ББСМО” ХХК-ийн төлөөллүүд оролцов.

Уулзалтыг дараах сэдвүүдээр зохион байгууллаа. Үүнд:

– Талбарын төлөвлөлтийн танилцуулга;

– Гадна тохижилтын танилцуулга;

– Барилгын ажлын зохиогчийн болон захиалагчийн хяналт;

– Барилгын ажлын үеийн хөдөлмөрийн аюулгүй байдал, эрүүл ахуй;

– Байгаль орчны менежментийн төлөвлөгөөг хэрэгжүүлэх арга зам;

– Гүйцэтгэгчийн хэрэгжүүлэх нийгэм, жендэрийн үйл ажиллагаа.

Барилга угсралтын гүйцэтгэгч нараас тавьсан асуултад төсөл хэрэгжүүлэх нэгжийн менежерүүд, НОСК-ийн инженерүүд болон зөвлөх багийн дэд ахлагч, барилгын инженер, архитекторууд, зураг төслийн зохиогч нар хариулж, санал солилцон, материал зөвшилцөх хуудас, техникийн тодруулга, ногоон барилгын EDGE сертификатад орох материалуудын шаардлага зэрэг баримт бичгийг хүлээлгэн өглөө.