“Улаанбаатар хотын орлогод нийцсэн ногоон орон сууц ба дасан зохицох чадвар бүхий хотын шинэчлэл салбарын төсөл”-ийн хэрэгжилтэд үе шатны хяналт хийж, цаашдын төлөвлөгөөг хэлэлцэхээр АХБ-наас томилогдсон ажлын хэсэг төслийн багтай хамтран долоо хоногийн хугацаатай ажиллав.

Хяналт шалгалтын ажлыг эцэслэн дүгнэх уулзалтыг БХБЯ, НЗДТГ, АХБ, Монгол Улсын Хөгжлийн банк, Нийслэлийн Орон сууцны дэд бүтцийн газар, Төсөл хэрэгжүүлэх нэгж, төслийн зөвлөх багийн төлөөллүүд Хангарьд ордонд хийлээ. Төсөл хэрэгжилтийн явцыг төслийн суурь баримт бичгүүд мөн АХБ болон Уур амьсгалын ногоон сангийн хамгааллын бодлогын дагуу хэрэгжиж байна хэмээн дүгнэсэн бөгөөд төлөвлөгөөт ажлуудыг улам эрчимжүүлэх дараагийн шат алхмуудыг хэлэлцэж тохиролцсон үр дүнтэй хурал болж өнгөрлөө.