Улаанбаатар хотын Ногоон орон сууц төслийн баг 2024 оны 6 дугаар сарын 13-14-ний өдөр Монголын Барилгын Инженерүүдийн Холбооноос зохион байгуулагдсан “НОГООН БАРИЛГА БА УХААЛАГ ХОТ” олон улсын техникийн семинар болон “BIM БА ДИЖИТАЛ БАРИЛГА, ОЛОН УЛСЫН ТУРШЛАГА” дугуй ширээний хэлэлцүүлэгт амжилттай оролцлоо.
Уг арга хэмжээнд Барилга, хот байгуулалтын яам, Барилгын хөгжлийн төв, АНУ, Япон, БНСУ, Тайван, БНТУ, Шри-ланка зэрэг олон улсын болон дотоодын мэргэжлийн холбоодын төлөөлөл, аж ахуй нэгжийн инженер, мэргэжилтнүүд оролцож, туршлага солилцлоо.
Төслийн багаас зураг төслийн болон барилга угсралтын ажлын явцыг танилцуулж, “Эко-хорооллын ТЭЗҮ, ажлын зураг ба бодлогын шинэчлэлийн дэмжлэг үзүүлэх” зөвлөх багаас боловсруулсан техникийн баримт бичгүүдийг олон улсын болон дотоодын мэргэжлийн байгууллагуудаар хэлэлцүүллээ.
