Азийн Хөгжлийн Банкны хот байгуулалтын ахлах, төсөл хариуцсан мэргэжилтэн ноён Раушан Маматкулов, Төслийн шинжээч хатагтай Элеанор С, зөвлөх хатагтай Мика Конин нарын төлөөлөл бүхий хяналт-шинжилгээ, үнэлгээний баг 2024 оны 05-р сарын 27-31-ний өдрүүдэд “Улаанбаатар хотын ногоон орон сууц” төслийн хэрэгжилтийн явц, тулгамдаж буй асуудлуудтай танилцан, үнэлэлт дүгнэлт өгч ажиллалаа.

Үнэлгээний багтай хийсэн уулзалтуудад Сангийн яамны Хөгжлийн санхүүжилтийн хэлтэс, НЗДТГ-ын Гадаад харилцаа, хамтын ажиллагааны газар, Санхүү, хөрөнгө оруулалтын газар, Нийслэлийн орон сууцны бодлогын газрын төлөөллүүд оролцлоо.

Мөн төсөл хариуцсан нэгжүүдийн холбогдох ажилтнууд төслийн бүрэлдэхүүн хэсгүүдийн хүрээнд хэрэгжиж буй барилга угсралт, худалдан авах ажиллагаа, нүүлгэн шилжүүлэлт, байгаль орчин, нийгэм, жендэр хамгааллын ажлын явцыг танилцуулж, төслийн үйл ажиллагаанд тулгамдаж буй асуудлуудад авах арга хэмжээг хэлэлцлээ.