Нийслэлийн Ерөнхий Архитектор Ч.Төгсдэлгэр, Хот байгуулалт, хотын стандартын газрын дарга Г.Баярсайхан, Нийслэлийн орон сууц бодлогын газар, Нийслэлийн орон сууцны корпорацын удирдлага болон албан хаагчид Нийслэлийн хэмжээнд хэрэгжиж буй орон сууцжуулах төслүүдийн нөхцөл байдалтай танилцах зорилгоор 2025 оны 2 дугаар сарын 18-ний өдөр “Ногоон орон сууц төсөл”-ийн Баянхошуу болон Шархад талбарт ажиллалаа.
Энэ үеэр төслийн эхний ээлжийн 220 айлын орон сууцны барилгын явц болон хоёр дах ээлжийн 302 айлын орон сууцны барилга угсралт, материал сонголт, төлөвлөлт зэрэг бусад онцлогуудтай танилцлаа.
Одоогийн байдлаар Баянхошуу талбарт баригдаж буй эхний ээлжийн 110 айлын орон сууцны барилгын явц 82 хувьтай, Шархад талбарын эхний ээлжийн 110 айлын орон сууцны барилга угсралт 86 хувьтай хэрэгжиж байна.