“Улаанбаатар хотын ногоон орон сууц төсөл” нь Германы Олон Улсын хамтын ажиллагааны нийгэмлэгээс хэрэгжүүлж буй “Ур чадварыг хөгжүүлэх төсөл”-тэй хамтын ажиллагааны санамж бичиг зурлаа.
Уг төсөл нь Герман улсын засгийн газар болон Азийн хөгжлийн банкны дэмжлэгтэйгээр 2019 оноос хэрэгжиж байна. Үйлдвэрлэлийн дадлагажуулагчийг мэргэшүүлэх сургалт, ажлын байран дээр дадлагажих сургалтаар дамжуулан ажил олгогчдын хэрэгцээ шаардлагад нийцсэн мэргэжилтэй ажилтан бэлтгэх зорилготой төсөл юм. Хамтын ажиллагааны хүрээнд “Улаанбаатар хотын ногоон орон сууц төсөл”-д хамрагдсан өрхийн гишүүдийг ажлын байран дээр дадлагажих, ур чадвар хөгжүүлэх сургалтанд хамруулах ажлуудыг хамтран хэрэгжүүлэхээр төлөвлөж байна.