Тус барилгууд төвийн дулаан хангамжид холбогдсон бөгөөд гадна фасадны болон дотор заслын ажил, инженерийн шугам сүлжээний ажлууд үргэлжлэн хийгдэж байна. Баянхошуу дэд төвийн гадна цахилгаан хангамжийн 10кВ кабель шугам, 10/0.4 кВ 2х630 кВА чадалтай хаалттай дэд өртөөний барилгад улсын комисс ажиллаж байнгын ашиглалтад хүлээн авсан.
“Улаанбаатар хотын ногоон орон сууц төсөл-2”-ийн хүрээнд хэрэгжиж байгаа Баянхошуу дэд төвийн 150 айлын 4 блок, Шархад дэд төвийн 152 айлын 4 блок орон сууцны барилгын төмөр бетон арагт бүтээцийн ажлууд төлөвлөгөөний дагуу хийгдэж, хүйтний улиралтай холбоотойгоор технологийн түр зогсолт хийсэн.
