Улаанбаатар хотын ногоон орон сууц төслийн талбарт үйл ажиллагаа явуулдаг ЖДҮ болон өрхийн үйлдвэрлэл эрхлэгчид бусад ААН, жижиг дунд үйлдвэрлэлтэй танилцаж, туршлага солилцох хүсэлт ирүүлсний дагуу төслийн нэгж Баянзүрх дүүргийн ЖДҮҮ-г дэмжих төвтэй хамтран туршлага солилцох аяллыг 11 дүгээр сарын 15-ны өдөр зохион байгууллаа.
Аялалд 10-н оёдлын үйлдвэрлэл эрхлэгч эмэгтэйчүүд хамрагдан, цэрэг аяллын Red Vortex ХХК, загварын дээл хувцасны “Боохой брэнд”, ажлын хувцас үйлдвэрлэгч Mongolian workman ХХК-д очиж, үйлдвэрийн үйл ажиллагаа, борлуулалт, материал загварын шинэ шийдлүүдтэй танилцлаа.
