Улаанбаатар хотын ногоон орон сууц төслийн хамт олон 2024 оны 11 дүгээр сарын 16-17-ны өдөр Сонгинохайрхан дүүргийн 8 болон 9 дүгээр хорооны иргэдэд төслийн төлөвлөлт, хэрэгжилт, байгаль орчин, нийгмийн хамгаалал болон газар чөлөөлөлт, нүүлгэн шилжүүлэлтийн талаарх мэдээллийг хүргэлээ.

Уулзалтад тус хороодын 70 орчим өрхийн төлөөлөл оролцсон ба төсөлд хэрхэн хамрагдах, өрхийн газар үл хөдлөх эд хөрөнгийн үнэлгээг хэрхэн гүйцэтгэх талаарх мэдээллийг сонслоо. Мөн энэхүү уулзалтын үед иргэдээс төсөлд хамрагдах сонирхлын судалгааг авсан бөгөөд сонирхлоо илэрхийлсэн иргэдийн газар үл хөдлөх эд хөрөнгийн үнэлгээг тусгай зөвшөөрөл бүхий үнэлгээний компани гүйцэтгэх юм.