Уур амьсгалын ногоон сангийн Төслийн дунд хугацааны үнэлгээ хийх KPMG Finland баг ногоон орон сууцны барилга угсралтын явцтай 2025 оны 2 дугаар сарын 4-ний өдөр танилцлаа. Төслийн эхний ээлжийн 220 айлын барилга угсралтын ажил Баянхошуу, Шархад талбарт 82 хувийн гүйцэтгэлтэй дотор заслын ажил хийгдэж байна.
Хөндлөнгийн хяналтын ажилд Үнэлгээ хийх багийн ахлах Ханнах Миккарен, гишүүн Грэйдин Принц болон төслийн нэгжийн архитектур, инженер болон талбайн инженерүүд оролцлоо.
Улаанбаатар хотын ногоон орон сууц төсөлд Уур амьсгалын ногоон сан голлох санхүүжүүлэгчээр оролцож байгаа бөгөөд энэ хүрээнд эрчим хүчний өндөр хэмнэлттэй ногоон орон сууц бүхий эко хорооллууд байгуулан, гэр хорооллын 5000 янданг бууруулж, дулааны эрчим хүчний хэрэглээг 62 хувиар багасгаснаар нийт 5.7 сая тонн хүлэмжийн хийн ялгарал буурна.