Улаанбаатар хотын орлогод нийцсэн
ногоон орон сууц ба дасан зохицох чадвар
бүхий хотын шинэчлэл салбарын төсөл

Улаанбаатар хотын орлогод нийцсэн ногоон орон сууц ба дасан зохицох чадвар бүхий хотын шинэчлэл салбарын төсөл

Мэдээ мэдээлэл

“Улаанбаатар хотын орлогод нийцсэн ногоон орон сууц ба дасан зохицох чадвар бүхий хотын шинэчлэл салбарын төсөл”-ийн Баянхошуу дэд төвд байгуулах 110 айлын ногоон орон сууцны барилга угсралтын ажлын нээлтийн ёслолын арга хэмжээ боллоо

Улаанбаатар хотын гэр хорооллыг дахин төлөвлөж, орлогод нийцсэн ногоон орон сууц, худалдаа үйлчилгээ, нийгмийн дэд бүтэц, ногоон байгууламж, нийтийн эзэмшлийн талбайн цогц төлөвлөлт бүхий эко хорооллуудыг Улаанбаатар хотын дэд төвүүдэд байгуулах замаар агаар, орчны бохирдлыг бууруулж, уур амьсгалын өөрчлөлтийг сааруулах “Улаанбаатар хотын орлогод нийцсэн ногоон орон сууц ба дасан зохицох чадвар бүхий хотын шинэчлэл салбарын төсөл”-ийг Азийн хөгжлийн банк, Уур амьсгалын ногоон сан, Өндөр технологийн сан, Нийслэлийн хамтарсан санхүүжилтээр НЗДТГ хэрэгжүүлж байна.

Төслийг 6 жилийн хугацаанд 5 үе шаттай хэрэгжүүлэх юм. Төслийн I үе шатанд Баянхошуу, Шархад дэд төвүүдэд эко хороолол байгуулах ажлыг хэрэгжүүлж байна. Баянхошуу дэд төв буюу СХД-ийн 9-р хорооны Б-15 талбарт бүтээн байгуулах 110 айлын ногоон орон сууцны барилга угсралтын ажлын бүтээн байгуулалтын ажлуудын нээлтийн үйл ажиллагааг 2023. 07. 04-ний өдөр амжилттай зохион байгууллаа.

Нээлтийн үйл ажиллагаанд Улаанбаатар хотын захирагч бөгөөд нийслэлийн засаг дарга Д. Сумъяабазар, Нийслэлийн орон сууны бодлогын газрын дарга Г. Ганхүү, НОСК-ийн гүйцэтгэх захирал М. Говьсайхан, Төслийн зохицуулагч Б. Болд-Эрдэнэ, НИТХ-ийн төлөөлөгчид, нийслэлийн холбогдох байгууллагуудын төлөөлөл, СХД-ийн засаг дарга, 8-р хорооны засаг дарга, 9-р хорооны засаг дарга, хувийн хэвшил, хамтрагч байгууллагууд болон хэвлэл мэдээллийн төлөөлөл оролцов.

Нээлтийн ёслолын үеэр Улаанбаатар хотын захирагч бөгөөд нийслэлийн засаг дарга Д. Сумъяабазар төслийн ач холбогдлыг цохон тэмдэглэж, ажлаа цаг тухайд нь чанартай хийж гүйцэтгэхийг гүйцэтгэгч компаниудын төлөөлөл, төсөл хэрэгжүүлэх багийн хамт олонд сануулахын сацуу төслийн хүрээнд хийж буй бүтээн байгуулалтын ажлыг дэмжин идэвх санаачлалтай оролцож буй иргэдэд талархал илэрхийллээ.

Нээлтийн арга хэмжээнд Баянхошуу дэд төвд баригдах 110 айлын ногоон орон сууцны барилга угсралтын ажлыг гүйцэтгэж буй компаниудын төлөөлөл оролцон, үйл ажиллагааны төлөвлөгөөг танилцуулж, төслийн бүтээн байгуулалтын ажлыг цаг хугацаанд нь чанартай хийж гүйцэтгэхээ амласан юм.

Холбоотой мэдээлэл

“Эмэгтэйчүүдийн үл хөдлөх хөрөнгө өмчлөх өнөөгийн нөхцөл байдал, эзэмших эрх болон өөрийн өмчийг бүртгүүлэх, хамгаалах” талаар мэдээлэл өгөх арга хэмжээг 2025 оны 4 дүгээр сарын 13-ний өдөр зохион байгууллаа

Ногоон орон сууц төслөөс Баянхошуу талбарын ойролцоо оршин суух нийт 17 иргэдэд “Эмэгтэйчүүдийн үл хөдлөх

Жендэрт суурилсан хүчирхийллээс урьдчилан сэргийлэх болон хөдөлмөрийн аюулгүй ажиллагаа, орчмын хог хаягдлын менежментийн сургалтыг 4 дүгээр сарын 3-4-ний өдрүүдэд зохион байгууллаа

Төслийн талбарт барилгын ажил эхэлсэнтэй холбогдуулан төслийн нэгж гүйцэтгэгч компаниудын ХАБ болон талбарын инженерүүдэд зориулан

Улаанбаатар хотын ногоон орон сууц төсөл нь Байгаль орчны хөндлөнгийн үнэлгээний багтай хамтарч, төслийн гүйцэтгэгч 11 барилгын компанийн талбайн инженер, байгаль орчны болон ХАБЭА-ын нийт 30 мэргэжилтэнд байгаль орчин-нийгмийн хамгаалал, гомдол барагдуулах механизм, эрүүл мэнд-аюулгүй байдлын чадавхийг сайжруулах сургалтыг 2025 оны 3 дугаар сарын 26-ний өдөр зохион байгууллаа

Сургалтаар байгаль орчны дотоод хяналт хийх, мониторингийн шаардлага, хог хаягдлын стандарт, ангилал, менежментийн төлөвлөгөө боловсруулах,