Улаанбаатар хотын ногоон орон сууц төсөл хэрэгжүүлэх нэгж нь 2023 оны 12 дугаар сарын 9-ний өдөрШархад дэд төв Баянзүрх дүүргийн 19 дүгээр хорооны төслийн сонгогдсон талбарт үйл ажиллагаа явуулж буй өрхийн болон бичил, жижиг дунд үйлдвэрлэл эрхлэгчдэд зориулан мэдээлэл өгөх, санал солилцох уулзалтыг амжилттай зохион байгуулсан. Уулзалтын үр дүнд үйлдвэрлэл эрхлэгчид өөрсдийн борлуулалтын сувгийг нэмэгдүүлэх, үзэсгэлэн экспод тогтмол оролцох хүсэлтэйг илэрхийлсэн. 

Уг саналын дагуу төслийн нэгж нь Нийслэлийн Жижиг, дунд үйлдвэр үйлчилгээг дэмжих төвтэй хамтран төслийн талбарт үйл ажиллагаа явуулдаг гутал болон оёдол, гар урлалын үйлдвэрлэл эрхлэгчдийг Нийслэлийн Засаг даргын санаачилгаар 2 дах жилдээ зохион байгуулж буй “АМАР БАЙНА УУ” үзэсгэлэн арга хэмжээнд оролцуулж эхэллээ. Тус үзэсгэлэн нь Улаанбаатар хотын Шинэ 100 айл худалдааны төвд 2024 оны 1 дүгээр сарын 15-наас 2 дугаар сарын 9-ний өдрүүдэд зохион байгуулагдана.