Уулзалтад төсөл хэрэгжүүлэх нэгж, зөвлөх баг, НОСК ХК, барилга угсралтын гүйцэтгэгч “Хөх бүрдний эх” ХХК, “Таван Орд” ХХК, “Тамга Уул” ХХК, “Батс Өргөө” ХХК, “Титан товер констракшн” ХХК, зураг төслийн зохиогч “Классик хаус” ХХК, “Скайлайн дизайн” ХХК -ийн төлөөллүүд оролцов.

Уулзалтаар 2025 онд хийгдэх барилга угсралтын ажлын төлөвлөгөө, Байгаль орчин, нийгэм жендэрийн үйл ажиллагааны төлөвлөгөө, “Улаанбаатар хотын ногоон орон сууцны төсөл-1”-ийн барилга угсралтын ажилд тулгамдаж байсан асуудлууд, техникийн шийдлийг танилцууллаа.

Мөн Олон улсын ногоон барилгын үнэлгээний EDGE системд бүртгүүлэх барилгын материалын шаардлага үзүүлэлтийг гүйцэтгэгч байгууллагуудад танилцуулж, санал солилцон, материал зөвшилцөх хуудас, техникийн тодруулга, материалын шаардлага зэрэг баримт бичгийг хүлээлгэн өглөө.