
Азийн Хөгжлийн Банкны хот байгуулалтын ахлах, төсөл хариуцсан мэргэжилтэн Раушан Маматкулов, Төслийн шинжээч Элеанор С, зөвлөх Мика Конин нарын төлөөлөл бүхий хяналт-шинжилгээ, үнэлгээний баг 2024 оны 11-р сарын 18-21-ний өдрүүдэд “Улаанбаатар хотын ногоон орон сууц” төслийн хэрэгжилт, барилга угсралтын явц, тулгамдаж буй асуудлуудтай танилцан, үнэлэлт дүгнэлт өгч ажиллалаа.
Үнэлгээний багтай хийсэн уулзалтуудад НЗДТГ-ын Гадаад харилцаа, хамтын ажиллагааны газар, Санхүү, хөрөнгө оруулалтын газар, Нийслэлийн орон сууцны бодлогын газрын төлөөллүүд оролцлоо.


Мөн төслийн нэгжийн холбогдох ажилтнууд төслийн бүрэлдэхүүн хэсгүүдийн хүрээнд хэрэгжиж буй барилга угсралт, худалдан авах ажиллагаа, нүүлгэн шилжүүлэлт, байгаль орчин, нийгэм, жендэр хамгааллын ажлын явцыг танилцууллаа.
